సెవెన్ హిల్స్ ప్రొడక్షన్స్ బ్యానర్ పై బిగ్ బాస్ ఫేమ్ గౌతమ్ కృష్ణ హీరోగా రమ్య పసుపులేటి, శ్వేత అవస్తి హీరోయిన్స్ గా నవీన్ కుమార్ దర్శకత్వంలో సతీష్ నిర్మాతగా నేడు ప్రేక్షకుల ముందుకు వచ్చిన చిత్రం సోలో బాయ్. త్రిలోక్ సుద్దు ఈ చిత్రానికి సినిమాటోగ్రాఫర్ గా చేయగా ప్రవీణ్ పూడి ఎడిటింగ్ చేశారు. ఇక ఈ చిత్ర రివ్యూ విషయానికి వస్తే…
కథ:
ఒక కామెడీలు క్లాస్ కుటుంబంలో పుట్టి తాను కాలేజీలో ప్రేమించిన కేవలం ఆర్థికంగా స్థిరపడలేదని కారణంతో బ్రేకప్ చెప్పగా ఆ పరిస్థితుల నుండి కొంతకాలానికి బయటకు వచ్చి ఉద్యోగం చేసుకుంటూ మరొక అమ్మాయిని ప్రేమించి పెళ్లి చేసుకున్న కొన్ని రోజులకు ఆమె కూడా ఆర్థిక ఇబ్బందుల వల్ల విడాకులు తీసుకుంటుంది. ఇటువంటి సిచువేషన్స్ లో నుండి హీరో బయటకు ఎలా వస్తాడు? కేవలం ఆర్థిక పరిస్థితులే దీనికి కారణమా లేదా ఇంకేమైనా కారణం ఉందా? అసలు చివరికి అతను ఆర్థికంగా బలంగా నిలబడతాడా లేదా? అనుకోని ఇబ్బందికర సంఘటనల నుండి ఎలా బయటకి వస్తాడు? తనని వదిలి వెళ్ళిపోయిన వాళ్ళు తన జీవితంలోకి తిరిగి వస్తారా లేదా? తన కుటుంబం చివరికి ఏమవుతుంది? అనే ప్రశ్నలకు సమాధానం తెలియాలంటే వెండితెరపై సోలో బాయ్ చిత్రం చూడాల్సిందే.
నటీనటుల నటన:
సినిమాలో కృష్ణమూర్తి పాత్రలో గౌతమ్ కృష్ణ సంపూర్ణ నటుడిగా తనని తాను ప్రూవ్ చేసుకుంటూ ఎమోషన్స్ నుండి ప్రతి సీన్లను ప్రేక్షకులను మెప్పించారు. ప్రియా క్యారెక్టర్ లో రమ్య పసుపులేటి సినిమాలో కనిపించే స్క్రీన్ టైమ్ తక్కువ అయినప్పటికీ మంచి మంచి ఇంపాక్ట్ ఉండే పాత్రగా నిలిచారు. అలాగే శ్వేత అవస్తి మంచి పర్ఫామెన్స్ తో తన పాత్రకు పూర్తి న్యాయం చేశారు. పోసాని మురళి, అనిత చౌదరి హీరోకు తల్లిదండ్రులుగా ఒక మిడిల్ క్లాస్ ఫ్యామిలీ వాతావరణం లో చాలా బాగా నటించారు. అలాగే భద్రం, షఫీ, చక్రపాణి తదితరులు తమ పాత్రల పరిధిలో నటిస్తూ చిత్రానికి బోనస్గా నిలిచారు.
సాంకేతిక విశ్లేషణ:
దర్శకుడు నవీన్ కుమార్ ఒక చక్కటి ఫ్యామిలీ చిత్రాన్ని తాను అనుకున్నట్లు రాసుకుని దానిని ప్రేక్షకులు ముందుకు తీసుకువెళ్లడంలో పూర్తిగా విజయం సాధించాడు. ప్రతి వ్యక్తి కనెక్ట్ అయ్యే విధంగా ఈ కథ ఉండటం ప్రత్యేకం. ఆ కథను వెండి ధరపై మంచి విజువల్స్ తో డిఓపి మరింత అందంగా చూపించారు. సినిమాలోని పాటలు సిచువేషన్ కి తగ్గట్లు బీజీయంతో సినిమాను మరో మెట్టు పైకి వెళ్లే విధంగా సంగీత దర్శకుడు సహాయపడ్డాడు. డే అండ్ నైట్ షూట్స్ లో లైటింగ్ ఇంకా ఇతర బ్యాగ్రౌండ్ విషయాలలో తగ్గ జాగ్రత్తలు తీసుకున్నట్లు అర్థమవుతుంది. నిర్మాణ విలువలు అద్భుతంగా ఉన్నాయి. నిర్మాత ఎక్కడ కాంప్రమైజ్ కాకుండా చిత్రం కోసం వెనకడుగు వేయకుండా ముందుకు వెళ్లినట్లు అర్థమవుతుంది. దర్శకుడు ప్రతి ఒక్కరిని పూర్తిగా వాడుకున్నట్లు తెలుస్తుంది.
ప్లస్ పాయింట్స్ :
కథ, బిజిఎం, సాంగ్స్, నటీనటుల నటన, డైలాగ్స్, నిర్మాణ విలువలు.
మైనస్ పాయింట్స్ :
అతి తక్కువ సీన్లు, డైలాగ్స్ అంతగా రాకపోవడం.
సారాంశం :
ప్రతి ఒక్క మిడిల్ క్లాస్ ఫ్యామిలీకి కనెక్ట్ అయ్యే కథతో కుటుంబ సమేతంగా థియేటర్లో ఎక్స్పీరియన్స్ చేయాల్సిన చిత్రం సోలో బాయ్.
