‘గూఢచారి’ సీక్వెల్గా రూపొందుతున్న ‘G2’ చిత్రం 2026 మే 1న ప్రపంచవ్యాప్తంగా థియేటర్లలో విడుదల కానుంది. అడివి శేష్ హీరోగా నటిస్తున్న ఈ చిత్రాన్ని వినయ్ కుమార్ సిరిగినీడి దర్శకత్వంలో తెరకెక్కిస్తున్నారు. ఆరు దేశాల్లో 150 రోజులపాటు 23 సెట్లతో భారీ స్థాయిలో నిర్మితమవుతున్న ఈ థ్రిల్లర్, భారతీయ సినిమా జానర్లో కొత్త ప్రమాణాలను నెలకొల్పనుంది.
వామికా గబ్బీ ఏజెంట్ 116గా, ఎమ్రాన్ హష్మీ తెలుగు అరంగేట్రంతో పాటు మురళీ శర్మ, సుప్రియా యార్లగడ్డ, మధు శాలిని కీలక పాత్రల్లో నటిస్తున్నారు. పీపుల్ మీడియా ఫ్యాక్టరీ, అభిషేక్ అగర్వాల్ ఆర్ట్స్, ఏకే ఎంటర్టైన్మెంట్స్ బ్యానర్లపై టీజీ విశ్వ ప్రసాద్, అభిషేక్ అగర్వాల్ నిర్మిస్తున్న ఈ చిత్రం తెలుగు, హిందీ, తమిళం, కన్నడ, మలయాళ భాషల్లో విడుదల కానుంది.
