హైదరాబాద్‌లోని జూబ్లీ హిల్స్ ఇప్పుడు ప్రముఖ స్థలంగా మారినప్పటికీ 50 ఏళ్ల క్రితం అక్కడ ఖాళీ భూమి, పొదలు, పాములు మాత్రమే ఉండేవి. 1975 ఆగస్టు 13న, దిగ్గజ నటుడు అక్కినేని నాగేశ్వరరావు గారు తెలుగు సినిమాకు సొంత గూడు కావాలనే సంకల్పంతో అన్నపూర్ణ స్టూడియోస్‌కు శంకుస్థాపన చేశారు. 1976 జనవరి 14న అప్పటి రాష్ట్రపతి ఫకృద్దీన్ అలీ అహ్మద్ ఈ స్టూడియోను ప్రారంభించారు.
ఈ రోజు అన్నపూర్ణ స్టూడియోస్ బహుళ షూటింగ్ ఫ్లోర్లు, బహిరంగ సెట్లు, అత్యాధునిక పోస్ట్-ప్రొడక్షన్ సౌకర్యాలతో పూర్తి సామర్థ్యంతో నడుస్తోంది. యువ ప్రతిభలను ప్రోత్సహించేందుకు అన్నపూర్ణ కాలేజ్ ఆఫ్ ఫిల్మ్ అండ్ మీడియాను స్థాపించారు, ఇక్కడ నటన నుంచి దర్శకత్వం, సినిమాటోగ్రఫీ, ఎడిటింగ్, సౌండ్ డిజైన్ వరకు శిక్షణ ఇస్తారు.
ఒకప్పటి బీడు భూమి నీటితో భారతీయ సినిమా రంగంలో అత్యంత గౌరవనీయమైన సృజనాత్మక కేంద్రంగా మారింది. 50 ఏళ్ల సినీ ప్రస్థానంలో అన్నపూర్ణ స్టూడియోస్ తెలుగు సినిమా గుండెచప్పుడుగా నిలిచింది.
