లోకేష్ కనగరాజ్ దర్శకత్వంలో తెరకెక్కిన ‘కూలీ’ చిత్రం విడుదలై ప్రేక్షకుల నుంచి విమర్శకుల వరకు హర్షం అందుకుంటోంది. ఈ చిత్రంలో నాగార్జున అక్కినేని తొలిసారి పూర్తి స్థాయి విలన్ పాత్రలో మెరిసి అందరి దృష్టిని ఆకర్షించారు. ‘ఐ యామ్ ది డేంజర్’ అనే హై-ఎనర్జీ గీతంలో నాగ్ స్టైల్, స్వాగ్ అభిమానులను ఆకట్టుకుంటున్నాయి.
సైమన్ అనే కూల్ లెక్కల మాస్టర్ పాత్రలో నాగార్జున నటన చిత్రానికి కొత్త ఊపు తెచ్చిందని విమర్శకులు కొనియాడుతున్నారు. అనిరుధ్ సంగీతం సమకూర్చిన ఈ గీతం నాగ్ లార్జర్ దన్ లైఫ్ ఇమేజ్ను మరింత ఉన్నతం చేసింది.
సోషల్ మీడియాలో అభిమానులు నాగ్ ఈ పాత్ర ఎంపికను ఇటీవలి కాలంలో అత్యుత్తమ నిర్ణయంగా ప్రశంసిస్తున్నారు. ఈ కొత్త అవతారంలో నాగార్జున అదరగొట్టారని, ‘కూలీ’లో ఆయన నటన మరచిపోలేనిదని అంటున్నారు.
