చిత్రం: స్కూల్ లైఫ్
రిలీజ్ డేట్: 28 నవంబర్ 2025
దర్శకుడు, హీరో, రచయిత: పులివెందుల మహేష్ బాబు
నటీనటులు: పులివెందుల మహేష్, సావిత్రి, సుమన్, ఆమని, మురళీ గౌడ్, వినయ్, షన్ను మరియు తదితరులు
సంగీతం: SK బాజీ
సినిమాటోగ్రఫీ: ధర్మ GG
ఎడిటింగ్: నందమూరి హరి
నిర్మాణం: గంగా భవన్ (క్రౌడ్ ఫండింగ్)
కథా సారాంశం
1990ల పల్లెటూరు నేపథ్యంలో సాగే ఈ చిత్రం ఒక మధురమైన స్కూల్ లవ్ స్టోరీతో మొదలై… కులం, కుటుంబ గౌరవం, పగ మరియు ఊహించని ట్విస్టులతో క్లైమాక్స్ వరకు పయనిస్తుంది.
ప్రేమతో మొదలై పగతో ముగిసిన రాయలసీమ ప్రేమకథ అని చెప్పుకోదగ్గ ఎమోషనల్ జర్నీ ఇది.
ప్లస్ పాయింట్స్
- పులివెందుల మహేష్ నటన & దర్శకత్వం: హీరోగా, దర్శకుడిగా రెండు పాత్రల్లోనూ ఆకట్టుకున్నాడు. ఎమోషనల్ సన్నివేశాల్లో పూర్తిగా ఒదిగిపోయాడు.
- భావోద్వేగ సన్నివేశాలు: అనాధ కుర్రాడు – అమ్మ అనుబంధం, ప్రేమికుల మధ్య గాఢత, కులం వల్ల వచ్చే విషాదం – ప్రతి సీనూ గుండెను తాకుతుంది.
- సుమన్, ఆమని, సావిత్రి, మురళీ గౌడ్: అందరూ తమ పాత్రల్లో జీవించేశారు. ముఖ్యంగా సుమన్ (రైతు) & ఆమని (పార్వతమ్మ) గుర్తుండిపోతారు.
- డైలాగ్స్ (అంజి తన్నీరు): సహజంగా, రాయలసీమ యాసతో వచ్చే డైలాగ్స్ బిగ్ అసెట్.
- నేపథ్యం & కాలం సెట్టింగ్: 90ల గ్రామీణ జీవితం, స్కూల్ జ్ఞాపకాలు చాలా బాగా పునర్నిర్మించారు.
మైనస్ పాయింట్స్
- కొన్ని సన్నివేశాలు నెమ్మదిగా సాగుతాయి. ముఖ్యంగా ఫస్ట్ హాఫ్ లో కాస్త డ్రాగ్ అనిపిస్తుంది.
- టెక్నికల్ లిమిటేషన్స్ (బడ్జెట్ సమస్య వల్ల) కొంచెం కనిపిస్తాయి.
టెక్నికల్ డిపార్ట్మెంట్
- సంగీతం (SK బాజీ): బ్యాక్గ్రౌండ్ స్కోర్ ఎమోషన్స్ను బాగా పెంచుతుంది. పాటలు సాధారణం.
- సినిమాటోగ్రఫీ: గ్రామీణ సౌందర్యాన్ని చక్కగా క్యాచర్ చేశారు.
- ఎడిటింగ్: సెకండ్ హాఫ్ టైట్గా ఉంటే ఇంకా బాగుండేది.
తీర్పు – చిన్న బడ్జెట్లో ఇంత గాఢమైన ఎమోషన్స్, నిజాయితీ గల కథ చెప్పడం అంటే సులువైన విషయం కాదు.
ప్రేమ, కులం, కుటుంబం, పగ – ఈ నాలుగూ కలిసిన రాయలసీమ బ్యాక్డ్రాప్ లవ్ స్టోరీ చూడాలనిపిస్తే… స్కూల్ లైఫ్ నిరాశపరచదు.
