బాక్సాఫీస్ వద్ద దూసుకుపోతోంది ‘చాంపియన్’ సినిమా. రోషన్, అనస్వర రాజన్ ప్రధాన పాత్రల్లో ప్రదీప్ అద్వైతం డైరెక్ట్ చేసిన ఈ స్పోర్ట్స్ డ్రామా మొదటి రోజు 4.5 కోట్లు వసూలు చేసి మంచి ఆరంభాన్ని సాధించింది. రెండో రోజు 2.41 కోట్లు+ రాబట్టి, మొత్తం రెండు రోజుల్లో 6.91 కోట్లు ప్రపంచవ్యాప్తంగా సాధించింది. పాజిటివ్ టాక్, వర్డ్ ఆఫ్ మౌత్తో ప్రేక్షకులను ఆకట్టుకుంటోంది.
క్రిస్మస్ రిలీజ్లలో బుక్మైషో చార్టుల్లో టాప్లో ఉంది ఈ చిత్రం. అడ్వాన్స్ బుకింగ్స్లో పోటీదారులను దాటి, పట్టణాల్లో హై ఆక్యుపెన్సీతో దూసుకుపోతోంది. స్వప్న సినిమా యూనిట్ యాగ్రెసివ్ ప్రమోషన్, ముఖ్యంగా ‘గిరా గిరా’ పాట ప్రీ-రిలీజ్ హైప్ సృష్టించాయి. ఇది ఇప్పుడు థియేటర్లలో ఫుట్ఫాల్స్గా మారింది.
రోషన్ కెరీర్లో ఇది కీలక మలుపుగా చూస్తున్నారు. అనస్వర రాజన్ తాజాదనం కథకు మరింత ఆకర్షణ తెచ్చింది. తెలంగాణ మార్కెట్లో, ముఖ్యంగా నిజాం బ్యాక్డ్రాప్తో ప్రేక్షకులతో కనెక్ట్ అవుతోంది. ట్రేడ్ సర్కిల్స్ ప్రకారం, వీకెండ్, న్యూ ఇయర్ హాలిడేస్తో మరిన్ని వసూళ్లు రాబోతున్నాయి.
