ఈ ఏడాది మోస్ట్ యాంటిసిపేటెడ్ చిత్రాల్లో ఒకటిగా నిలిచిన ‘ది పారడైజ్’ సినిమాలోని ‘ఆయా షేర్’ సాంగ్ ప్రస్తుతం సోషల్ మీడియాను ఊపేస్తోంది. ఈ పాటలో కనిపించే విజువల్స్ వెనుక చిత్ర బృందం పడిన కష్టం, ఆర్ట్ డిపార్ట్మెంట్ సృష్టించిన అద్భుతమైన సెట్స్ ఇప్పుడు అందరినీ ఆశ్చర్యపరుస్తున్నాయి.
- హీరో హౌస్ (కమాన్ సెట్): హీరో పవర్ఫుల్ ఎంట్రీ కోసం 60 అడుగుల వెడల్పు, 45 అడుగుల ఎత్తుతో ఒక భారీ నిర్మాణాన్ని చేపట్టారు. 25 మంది కార్మికులు సుమారు 20 రోజుల పాటు శ్రమించి దీనిని రూపొందించారు.
- వాటర్ బాడీ విలేజ్: ఏకంగా 2.5 ఎకరాల విస్తీర్ణంలో 60 ఇళ్లతో కూడిన ఒక మురికివాడ సెట్ను నిర్మించారు. ఇందుకోసం 100 ట్యాంకర్ల నీటిని ఉపయోగించి ఒక పెద్ద జలశయాన్ని సృష్టించడం విశేషం. సుమారు 500 మంది ఒకేసారి ఉండగలిగేలా ఈ సెట్ను తీర్చిదిద్దారు.
- బిర్యానీ బౌల్ స్ట్రక్చర్: పాటలోని ప్రత్యేక ఆకర్షణగా నిలిచిన 10 అడుగుల రాగి రంగు (Copper finish) బిర్యానీ బౌల్ నిర్మాణాన్ని కేవలం ఐదు రోజుల్లోనే పూర్తి చేశారు.
- డంప్ యార్డ్ సెట్: సహజత్వాన్ని ఉట్టిపడేలా 120 అడుగుల పొడవుతో ఒక భారీ డంప్ యార్డ్ సెట్ను 30 రోజుల్లో సిద్ధం చేశారు.
ప్రకృతికి ఎటువంటి హాని కలగకుండా, సహజమైన రంగులు మరియు పాతకాలపు టెక్నిక్స్ను ఉపయోగించి ఈ సెట్స్ను నిర్మించినట్లు ఆర్ట్ డిపార్ట్మెంట్ తెలిపింది. ఈ భారీ సెట్స్ ‘ది పారడైజ్’ సినిమా స్థాయిని మరో మెట్టు పైకి తీసుకెళ్లాయి.
