నటకిరీటి రాజేంద్ర ప్రసాద్ ఇటీవల తమిళ దిగ్గజ నటుడు, మాజీ ముఖ్యమంత్రి ఎం.జి. రామచంద్రన్ (MGR) గారిపై తాను చేసిన వ్యాఖ్యల పట్ల విచారం వ్యక్తం చేస్తూ బహిరంగ క్షమాపణలు చెప్పారు.
నటుడు కాంతారావు గారి గొప్పతనాన్ని వివరిస్తున్న సమయంలో, రాజేంద్ర ప్రసాద్ గారు అనాలోచితంగా ఎంజీఆర్ గారిని ఉద్దేశించి కొన్ని అభ్యంతరకర పదాలను ఉపయోగించారు.
ఎంజీఆర్ గారిని “తమిళ సినిమా దేవుడు” గా తాను అభివర్ణిస్తూ, పొరపాటున నోరు జారానని ఆయన వివరణ ఇచ్చారు.
తన మాటల వల్ల ఎవరైనా నొచ్చుకుంటే హృదయపూర్వక క్షమాపణలు కోరుతున్నానని, భవిష్యత్తులో ఇలాంటివి పునరావృతం కాకుండా జాగ్రత్త పడతానని ఆయన హామీ ఇచ్చారు.
