లెజెండ్ శరవణన్ హీరోగా నటిస్తున్న కొత్త సినిమా “లీడర్”. ఈ చిత్రాన్ని లెజెండ్ శరవణ స్టోర్స్ ప్రొడక్షన్స్ భారీ బడ్జెట్ తో నిర్మిస్తోంది. దర్శకుడు ఆర్ ఎస్ దురై సెంథిల్ కుమార్ దర్శకత్వం వహిస్తున్నారు. ఈ సినిమాలో పాయల్ రాజ్ పుత్ హీరోయిన్ గా నటిస్తోంది. “లీడర్” సినిమా ఏప్రిల్ 3న గ్రాండ్ థియేట్రికల్ రిలీజ్ కు రెడీ అవుతోంది. ఇప్పటికీ రిలీజ్ చేసిన ఈ చిత్ర టీజర్ కు హ్యూజ్ రెస్పాన్స్ వచ్చింది. ఈ రోజు ఈ సినిమా నుంచి యాక్షన్ ట్రైలర్ విడుదల చేశారు.
“లీడర్” మూవీ యాక్షన్ ట్రైలర్ ఎలా ఉందో చూస్తే – ట్రైన్ లో జరిగే ఓ భారీ యాక్షన్ సీక్వెన్స్ తో ఈ యాక్షన్ ట్రైలర్ ప్రారంభమవుతుంది. ‘ఈ ప్రపంచంలో ఏ సహాయం దేవుడు నేరుగా చేయడు, మనుషుల మూలంగానే అన్ని మంచి పనులు జరుగుతాయి, మనం వాళ్లనే నమ్మాలి…’ అనే డైలాగ్ కథానాయకుడి ఆలోచనను, దృక్ఫథాన్ని తెలియజేస్తుంది. ట్రైన్ లో, పోర్ట్ ఏరియాలో, ఫారెస్ట్ లో జరిగే హై వోల్టేజ్ యాక్షన్ ఎపిసోడ్స్ ఈ సినిమాలోని గ్రాండియర్ మేకింగ్ ను చూపిస్తున్నాయి. మెయిన్ క్యారెక్టర్స్, ఆ పాత్రల రియాక్షన్స్ ను గ్లింప్స్ లా చూపించారు. భారీ యాక్షన్ సీక్వెన్సులను ఆకట్టుకునేలా పర్ ఫార్మ్ చేశారు హీరో లెజెండ్ శరవణన్. ట్రైలర్ చివరలో వచ్చిన తండ్రీ, కూతురు ఎమోషనల్ సీన్ హార్ట్ టచింగ్ గా ఉంది. భారీ యాక్షన్, సెంటిమెంట్ తో పాటు అన్ని కమర్షియల్ హంగులతో “లీడర్” సినిమా ప్రేక్షకుల్ని థియేటర్స్ లో అలరించనున్నట్లు ఈ యాక్షన్ ట్రైలర్ తో తెలుస్తోంది.
నటీనటులు – పాయల్ రాజ్ పుత్, శ్యామ్, ఆండ్రియా, సంతోష్ ప్రతాప్, లాల్, బాహుబలి ప్రభాకర్, అమృత అయ్యర్, వీటీవీ గణేష్, ఐశ్వర్య, అరంతంగి నిశా, ఐయాల్, జయమిశ్రా, పత్మాన్, యోగిరామ్, ఓక్ సుందర్, మహానది శంకర్, మరియమ్ జార్జ్, ఆదిత్య కతియార్, వేల్ అరుణాచలం, నిరంజన్, శోభన్ బాబు, అశోక్ పాండియన్, తదితరులు
టెక్నికల్ టీమ్
కాస్ట్యూమ్ డిజైనర్ – దీప్తి ఆర్.జి, పూర్తి ప్రవీణ్
ఆర్ట్ డైరెక్షన్ – జి.దురైరాజ్
స్టంట్స్ – మహేశ్ మాథ్యూ
ఎడిటింగ్ – ప్రదీప్ ఇ.రాఘవ్
సినిమాటోగ్రఫీ – ఎస్. వెంకటేష్
మ్యూజిక్ – జిబ్రాన్ వైభోద
పీఆర్ఓ – జీఎస్ కే మీడియా (సురేష్ – శ్రీనివాస్)
బ్యానర్ – లెజెండ్ శరవణ స్టోర్స్ ప్రొడక్షన్స్
స్టోరీ, డైరెక్షన్ – ఆర్ ఎస్ దురై సెంథిల్ కుమార్
