RaysuN ప్రొడక్షన్స్ తమ తొలి చిత్రమైన “రాయవలస” ఫస్ట్ లుక్ను విడుదల చేసింది. మనసుని తాకే గ్రామీణ కథతో వస్తున్న ఈ చిత్రం తెలుగు సినీ రంగంలో ఓ డేరింగ్ ప్రయత్నంగా నిలుస్తోంది. గోపీ కృష్ణ జె నిర్మించిన ఈ సినిమా, కొత్త ప్రతిభను ప్రోత్సహించాలనే ఆయన విజన్కు నిదర్శనం.
ఈ చిత్రానికి అమెరికా నుంచి వచ్చిన ఎన్ఆర్ఐ మహిళా దర్శకురాలు రాధిక జయంతి దర్శకత్వం వహించారు. అసలైన తెలుగు గ్రామీణ కథను చెప్పాలనే ధైర్యంతో ఆమె అమెరికా నుంచి ఇండియాకు వచ్చి ఈ సినిమాను తీర్చిదిద్దారు.
తన కుమారుడు కార్తిక్ జయంతిని హీరోగా పరిచయం చేస్తూ, “నవ యువ కథానాయకుడు”గా ఆయనను ఆవిష్కరించారు. “Love Tied by Fate” అనే ట్యాగ్లైన్ కథలోని భావోద్వేగాన్ని, విధిని చక్కగా ప్రతిబింబిస్తోంది. డెబ్యూ హీరో అయినప్పటికీ కార్తిక్ జయంతి పవర్ఫుల్, ఇంటెన్స్ లుక్తో అందరి దృష్టిని ఆకట్టుకున్నారు.
హీరోయిన్గా శ్రీష నులు నటిస్తుండగా రాణి పాత్రలో ఆమె ఫస్ట్ లుక్ రిలీజ్ చేశారు. చీరలో “రాణి” పాత్రలో అందంగా కనిపించారు. బ్యాక్డ్రాప్లోని దేవాలయం, పల్లెటూరి వాతావరణం కథకు ఒక సహజమైన టోన్ను ఇస్తున్నాయి.
ఈ చిత్రానికి అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్ వంటి సీనియర్ నటులతో పాటు త్రినాధ్ రావు, సుహాస్, కంచరపాలెం రాజు కూడా ఈ చిత్రంలో కీలక పాత్రలు పోషిస్తున్నారు.
ఈ చిత్రానికి సంగీతం ప్రధాన ఆకర్షణగా నిలుస్తోంది. పూర్ణ చారి, కార్తిక్ జయంతి, తరుణ్ సైదులు లిరిక్స్ అందించగా, రాహుల్ సిప్లిగంజ్, ధనుంజయ్, రోహిత్ పరిటాల, రమ్య బెహరా, సాహితి చాగంటి, సౌజన్య భగవతుల, వాగ్దేవి, అర్జున్, కార్తిక్ జయంతి వంటి ప్రముఖ గాయకులు పాటలను ఆలపించారు.
స్క్రీన్ప్లే, దర్శకత్వం రాధిక జయంతి; కథ, సంభాషణలు రాఖీ ఎ; సంగీతం డెబ్యూ కంపోజర్ అర్జున్ బాలా; సినిమాటోగ్రఫీ విఆర్కే నాయుడు (కిట్టు); ఎడిటింగ్ గ్యారీ బిహెచ్; ఫైట్స్ మల్లేశ్ షాలియోన్; కొరియోగ్రఫీ రాజ్ పైడే నిర్వహించారు.
భావోద్వేగం, యాక్షన్, సంగీతం కలగలిపిన కంప్లీట్ ఎంటర్టైనర్గా “రాయవలస” ప్రేక్షకులను అలరించనుంది.
నటీనటులు: కార్తిక్ జయంతి, శ్రీష నులు, అన్నపూర్ణమ్మ, అనిత చౌదరి, జయప్రకాశ్, రవి వర్మ, కాశీ విశ్వనాథ్, త్రినాధ్ రావు, సుహాస్, కంచరపాలెం రాజు
స్క్రీన్ప్లే, దర్శకత్వం: రాధిక జయంతి
కథ, సంభాషణలు: రాఖీ ఎ;
సంగీతం: అర్జున్ బాలా;
సినిమాటోగ్రఫీ: విఆర్కే నాయుడు (కిట్టు);
ఎడిటింగ్: గ్యారీ బిహెచ్
ఫైట్స్: మల్లేశ్ షాలియోన్
కొరియోగ్రఫీ: రాజ్ పైడే
పీఆర్వో: వంశీ శేఖర్
