మే 23 తేదీ అక్కినేని కుటుంబానికి ఎంతో ప్రత్యేకమైన రోజు. 1986లో ఇదే రోజున హీరోగా నాగార్జున మొదటిసారి కెమెరా ముందుకు వచ్చారు. ‘విక్రమ్’ సినిమాతో ప్రారంభమైన ఆయన సినీ ప్రయాణం ఇప్పటికీ ప్రేక్షకులను అలరిస్తూనే ఉంది.
అలాగే ఇదే తేదీన విడుదలైన ‘మనమ్’ సినిమా అక్కినేని నాగేశ్వరరావు గారి చివరి తెరప్రదర్శనగా నిలిచింది. ఈ చిత్రంలో మూడు తరాల అక్కినేని కుటుంబ సభ్యులు నాగార్జున, నాగ చైతన్య, అఖిల్ కలిసి నటించడం విశేషం.
‘సెల్యూలాయిడ్ సైంటిస్ట్’గా పేరుగాంచిన నాగార్జున తన కెరీర్లో ఎన్నో వైవిధ్యమైన పాత్రలతో ప్రేక్షకులను ఆకట్టుకున్నారు. ‘శివ’, ‘గీతాంజలి’, ‘అన్నమయ్య’, ‘మన్మథుడు’, ‘హలో బ్రదర్’, ‘బంగార్రాజు’ వంటి చిత్రాలతో ప్రతి తరం ప్రేక్షకుల మనసుల్లో ప్రత్యేక స్థానం సంపాదించారు.
తెలుగు సినీ పరిశ్రమలో ఎన్నేళ్లైనా తన స్టైల్, ఇమేజ్ను నిలబెట్టుకున్న హీరోగా నాగార్జున ప్రత్యేక గుర్తింపు పొందారు. ప్రస్తుతం ‘కింగ్100’ సినిమా నిర్మాణంలో ఉండగా, అభిమానులు ఆయన కొత్త సినిమాకోసం ఆసక్తిగా ఎదురుచూస్తున్నారు.
