పవిత్రమైన ఉగాది పండుగను పురస్కరించుకుని ‘ఖైగల్’ చిత్ర బృందం పవర్ఫుల్ ఫస్ట్ లుక్ పోస్టర్ను విడుదల చేసింది. అగ్ని, గందరగోళం మధ్య నెత్తురోడుతున్న యోధుడిగా ‘దేవ’ పాత్రలో హీరో జై సిద్ధార్థ్ లుక్ ప్రేక్షకులకు హై-వోల్టేజ్ సినిమాటిక్ అనుభూతిని కలిగిస్తూ అంచనాలను పెంచుతోంది.
జి.ఆర్ ప్రొడక్షన్స్, మరియు ఖైగల్ వారియర్స్ బ్యానర్లపై యశ్విన్ దర్శకత్వంలో రూపొందుతున్న ఈ భారీ చిత్రంలో సుష్మిత సింగ్, వాంశీ ఉదయ్ హీరోయిన్లుగా నటిస్తున్నారు.
హీరో జై సిద్ధార్థ్ 6’2″ ఎత్తు, అతని బేస్ వాయిస్ దేవ పాత్రకు ప్రత్యేకమైన ఆకర్షణను తీసుకువచ్చాయని దర్శకుడు యశ్విన్ తెలిపారు. ఈ చిత్రానికి ప్రియేష్ మోతుకూరి సంగీతం అందిస్తుండగా, దేవ్ దీప్ కుండు సినిమాటోగ్రఫీ అందిస్తున్నారు.
ప్యాన్-గ్లోబల్ స్థాయిలో భారీగా తెరకెక్కుతున్న ‘ఖైగల్’ తెలుగు, కన్నడ, తమిళం, మలయాళం, హిందీ, ఇంగ్లీష్, స్పానిష్, జర్మన్, చైనీస్, జపనీస్ సహా మొత్తం 13 భాషల్లో ప్రపంచవ్యాప్తంగా గ్రాండ్గా విడుదల కానుంది.
