సతీ లీలావతి పాత క్లాసిక్ టైటిల్తో కొత్త కథగా వచ్చిన ఫ్యామిలీ రొమాంటిక్ కామెడీ. పెళ్లి తర్వాత లావణ్య త్రిపాఠి నటించిన ఈ సినిమా మీద మంచి ఆసక్తి ఏర్పడింది. ఆమెకు జోడీగా దేవ్ మోహన్ నటించాడు. దర్శకుడు తాటినేని సత్య 1995లో వచ్చిన కమల్ హాసన్ సినిమా టైటిల్ను తీసుకుని, ఈ తరం ప్రేక్షకులకు సరిపోయేలా కొత్త కథను చూపించే ప్రయత్నం చేశాడు.
కథ :
లీలావతి (లావణ్య త్రిపాఠి) చిన్నప్పటి భయంతో బాధపడుతూ ఉంటుంది. ఆమెకు సైకియాట్రిస్ట్ రామ్ సేతు (దేవ్ మోహన్) చికిత్స చేస్తాడు. ఆ సమయంలో ఇద్దరి మధ్య ప్రేమ పెరిగి పెళ్లి వరకు వెళ్తుంది. మొదట వారి జీవితం బాగానే సాగుతుంది. కానీ తర్వాత రామ్ సేతు తన దగ్గర పని చేసే నర్స్ నికోలా సెబాస్టియన్ (మడోన్నా సెబాస్టియన్)పై ఆకర్షితుడవుతాడు. చివరకు లీలావతిని డైవోర్స్ అడుగుతాడు.
దాంతో షాక్ అయిన లీలావతి తన భర్తను వదులుకోవడానికి సిద్ధంగా ఉండదు. అతడిని ఇంట్లోనే ఉంచి, నికోలాను ఎదుర్కొంటుంది. ఈ సమయంలో లాయర్ తమలపాకుల (వీటీవీ గణేష్) ఎంట్రీతో కథలో కామెడీ పెరుగుతుంది. చివరకు లీలావతి తన కుటుంబాన్ని కాపాడుకుందా? రామ్ సేతు తిరిగి మారాడా? అనేదే సినిమా కథ.
నటీనటుల నటన :
లావణ్య త్రిపాఠి ఈ సినిమాకి ప్రధాన బలం. ఆమె నటన చాలా సహజంగా, ఎనర్జీతో ఉంటుంది. కామెడీ, ఎమోషన్, కోపం అన్నింటినీ బాగా చూపించింది. సినిమా మొత్తం ఆమె స్క్రీన్ ప్రెజెన్స్ మీదనే నడుస్తుంది.
దేవ్ మోహన్ తన పాత్రకు సరిపడ్డాడు. లావణ్యతో అతని కెమిస్ట్రీ బాగుంది. మడోన్నా సెబాస్టియన్ తన పాత్రను సింపుల్గా నటించింది. వీటీవీ గణేష్ కామెడీతో నవ్వులు పంచాడు. నరేష్ తన చిన్న పాత్రలో మెప్పించాడు.
విశ్లేషణ :
సినిమా ఫస్ట్ హాఫ్ సరదాగా సాగుతుంది. ప్రేమ, పెళ్లి, చిన్న చిన్న కామెడీ సీన్స్ బాగుంటాయి. ఇంటర్వెల్ దగ్గర వచ్చే డైవోర్స్ ట్విస్ట్ ఆసక్తి పెంచుతుంది.
సెకండ్ హాఫ్లో లీలావతి తన భర్తను తిరిగి దక్కించుకునే ప్రయత్నాలు చూపిస్తారు. కొన్ని కామెడీ సీన్స్ నవ్విస్తాయి. కుటుంబ భావోద్వేగాలు కూడా బాగానే వర్కౌట్ అయ్యాయి. అయితే కొన్నిచోట్ల సినిమా నెమ్మదిగా అనిపిస్తుంది. కొన్ని సీన్స్ రిపీట్ అయిన ఫీలింగ్ వస్తుంది. క్లైమాక్స్ కొంచెం సులభంగా ముగిసినట్టు అనిపించినా, ఫ్యామిలీ ఆడియన్స్కు నచ్చేలా ఉంటుంది.
టెక్నికల్గా చూస్తే దర్శకుడు సత్య ఈ కథను నేటి ప్రేక్షకులకు తగ్గట్టు తీర్చిదిద్దాడు. బ్యాక్గ్రౌండ్ మ్యూజిక్ బాగుంది. సినిమాటోగ్రఫీ ఓకే. పాటలు మాత్రం పెద్దగా గుర్తుండవు. ఎడిటింగ్ ఇంకాస్త క్రిస్పీగా ఉండాల్సింది.
ప్లస్ పాయింట్స్ :
- లావణ్య త్రిపాఠి నటన
- ఫ్యామిలీ కామెడీ
- క్లిన్ ఎంటర్టైన్మెంట్
- మంచి బ్యాక్గ్రౌండ్ మ్యూజిక్
మైనస్ పాయింట్స్ :
- కొంచెం స్లో నేరేషన్
- ముందే ఊహించగల ట్విస్టులు
సారాంశం :
సతీ లీలావతి ఒక సింపుల్ ఫ్యామిలీ రొమాంటిక్ కామెడీ. కొత్తదనం ఎక్కువగా లేకపోయినా, లావణ్య త్రిపాఠి నటన, క్లిన్ హ్యూమర్, ఫ్యామిలీ ఎమోషన్స్ తో చూడదగ్గ సినిమా.
